Dicho i predikashinan tin un kos komun: nan semper ta aplikabel riba otro hende, nunka riba nos mes.
E yamada pa union, den hopi di e kasonan ta e eksigensia di pòko hende pa hopi hende bai na nan amen.
Esun ku ta kontra unifikashon mas grandi den mundu, ta kontra progreso di humanidat.
E yamada pa komunikashon, den hopi di e kasonan ta e eksigensia di pòko hende pa hopi hende skucha nan.
E balor di loke ta bon ta dependé di e grado den kua e ta dirigí riba otro hende.
E libertat mas grandi ku tin ta esun di por limitá nos mes libertat na fabor di e libertat di otronan.
Libertat no ta un lisensia pa hasi loke nos ke, ma pa por hasi loke nos mester hasi.
Esun ku ke duna mas di su mes, mester oumentá su mes.
Pa kasi tur kreyente, boluntat di Dios ta konosí ku un siguridat kasi absoluto; e úniko problema ta, ku Dios tin mes tanto boluntatnan - hopi biaha kontradiktorio - ku tin kreyentenan.
No ta sekularismo, ma ideología i religionnan ku ta kousa mas tantu intoleransia.
Esun ku ta duna un arma na un mucha, no ta hasi di e mucha asesino, ma di su mes.
Esnan ku ta produsí armanan y esnan ku ta bende nan, no ta menos kulpabel ku esnan ku ta uza nan.
No ta eksistí un " Creator ex nihilo" (= Kriadó for di nada) pasobra Dios no ta "nihil" (nada) pero "omnia" (tur kos).
Esun ku ke kaba ku tur maldat mester kaba ku tur libertat i esun ku ta kaba ku tur libertat ta un tirana.
Plaser no ta meta di pashon seksual ma su medio.
Nos no ta risibí stimashon dor di pidi'é, ma dor di dun'é.
E grado di stimashon ta igual na e grado di libertat ku e ta duna.
E hende-muhé, di kua hende-homber ta soña, i e hende-homber di kua hende-muhé ta soña ta sisti solamente den nan soño.
Mucha-homber ku ta mira un ángel den kada mucha-muhé, aparentemente no tin ruman-muhé.
Hende no ta biba pa keda na bida ma pa sigui biba!
Ekonomista i meteorológonan ta bakiyano den splikashon di kon nan pronóstikonan no a bira berdat.
Antropólogo i psikólogonan soshal tin un dùim diki pa chupa nan deskubrimentonan sientífiko for di dje.